A aprendizaxe das ciencias non implica só "conceptos de ciencias", senón tamén o "modo de pensar" da ciencia. Este "modo de pensar" pode ensinarse e supón formas concretas de formularse preguntas, describir, explicar e argumentar, mesmo de desenvolver o espírito crítico. Todos estes elementos lingüísticos son necesarios para comunicar a ciencia, mais tamén para pensala. Para que o pensamento avance, debe facelo tamén a linguaxe.